كل عام وانتم بخير

السلام عليكم ورحمة الله وبركاتة 

كل عام وانتم بخير بمناسبة عيد الاضحى المبارك

ويارب السنة الجايه كلنا نكون على جبل عرفات متمنين من الله أن يغفر لنا ويرحمنا 

جيبنا ليكم بث مباشر من الحج ونتمنى انه يعجبكم 

كل سنة وانتوا طيبين وعيد سعيد عليكم 

ويارب كل عيد واحنا مع بعض 

لبيك اللهم لبيك لبيك لا شريك لك لبيك إن الحمد والنعمة لك والمُلك لا شريك لك 

إقرأ المزيد... Résuméabuiyad

رســالة للجميع

السلام عليكم ورحمة الله وبركاتة 

نتمنى أن يكون الجميع بخير وصحة جيدة 

اعضاء كتير بعتت تسأل ليه الصفحة مخدتش موقف من الاحداث الحاصلة عن الفلم المسئ للرسول صلى الله عليه وسلم 

نحب نوضح للجميع اننا مش شايفين أى صفحة عملت أى شئ مفيد للموضوع ده لان كله بيتاجر بالأحداث لنشر الصفحات 

اللى عاوز يعمل حاجة فعلاً بدل ما ينزل صورة لمؤسسين الفيلم ويحط عليها شتيمة ويطلب من الناس يعملوا ليها مشاركة والعالم كلة يشوف صورة الناس اللى أساؤا للرسول على صفاحتنا وحسابتنا وننشر احنا الموضوع بطريقة هما لو قعدوا طول حياتهم مش هيعرفوا يعملوا للفيلم دعاية زى اللى حنا بنعملها على صفحات الفيس بوك ..

أبسط حاجة ممكن أى صفحة تعمها انها تنزل احاديث للرسول ونصايح من سنة الرسول صلى الله عليه وسلم هيكون افيد لينا كلنا 

وهنعرف العالم كله ان مهما حصل احنا متمسكين بدينا وبرسولنا وبسنتة 
رسولنا اللى فى يوم من الأيام راح سأل على جاره اللى ان متعود يآذيه كل يوم لمجرد انه مشافش منه اى آذية فى يوم معين راح زاره فى بيته 

رسولنا ولا دينا ولا أى دين أمرنا اننا نرد الإساءة بالإساءة 

وكتير حصلت قبل كدة ان اننا بجهل مننا نشرنا صفحات على الفيس بتسب فى الاسلام وفى الاديان كلها بحجة اننا نقفل الصفحات دى 

سؤال للجميع هل الصفحات دى اتقفلت بالعكس بتكبر وبتكبر وبتكبر يوم بعد يوم بدون ادنى مجهود من مسؤلينها 

لو حكمنا عقولنا شويه هنلاقى ألف رد ومليون طريقة نرد بيها على الاهانة لرسولنا عليه الصلاة والسلام 

أو أى رسول ربنا ارسله لاى أمة فالحمد لله احنا معترفين بكل الرسل واى اساءة لأى رسول لازم نرد عليها بالعقل واننا ننشر ثقافتنا عنه 

واحنا بإذن الله هنبدأ ننشر كل يوم  عن الرسول عليه الصلاة والسلام وعن سنتة 

أحسن ما ننزل صور ونقول شتيمة تساوى لايك وتهزيق يساوى كمنت ونستغل اعضاء بتثق فينا فى نشر الصفحة زى ما كتير قوى من الصفحات بتعمل 

أسفين طولنا على حضارتكم 

وفى انتظار رأيكم فى  موقفنا بالقبول أو الرفض احنا بنتقبل كل شئ بكل حب لانكوا اعيننا على اللى احنا بنعملة على  صفحتكم 

إقرأ المزيد... Résuméabuiyad

عـلى إسـم مصر ..

السلام عليكم ورحمة الله وبركاتة

**************************

نفس الكلام هنقوله قلناه قبل كدة اننا متعودناش نتكلم فى السياسة

بس كمية التخوين والانقسام اللى بقت فى البلد دى حاجة تحزن وتضايق

البلد مقسومة 3 أجزاء وكل جزء فى البلد مخون الجزئين التانين وده لوصحيح يبقى البلد كلها خونه ونشوف بقى شعب تانى نضيف يقعد فى مصر

والله لو كل شخص مننا عمل اللى عليه واللى يرضى ضميرة ان كان طالب او غفير او موظف او وزير البلد هتقف على رجيلها وهتكون زى الفل حتى لو جيبنا شيطان يحكمنا مش هيعرف يعمل حاجة لاننا هنكون كلنا صح ساعتها...

حاجة بجد تضايق كل ادمن صفحة قاعد فى البيت يخترع كلام او يسمع كلام ويزود عليه شويه وينشرة والناس اللى معارض واللى موافق يكتب كمنت وفجأة 3 مليون مواطن بيشوفوا الكلام ونبدأ التخوين فى بعض ...

نداء لكل ادمن صفحة محترم حاول تعدل من الناس بدل ما تفرقهم

حاول تجمعهم حواليك بس على حاجة مفيدة او نصيحة كويسة او تحثهم على انهم يراعوا ضمائرهم ...

وكتير بنشك فى صفحات اساسا انها مؤسيسها غير عربيين بالمرة ويحقنوا اللى هما عاوزينة فى دماغ الاعضاء ..

حاولوا يا جماعه تتجمعوا

ان لا الله لا يغير ما بقومٍ حتى يغيروا ما بأنفسهم ..

واحنا انفسنا أصبحت سوداء ..

تعرفوا ان فى شهر شعبان بيغفر الله لناس كتير جدا الا اللى فيه شحناء او مخاصمات بينه وبين حد ..؟

صفوا قلوبكم أعدائنا عاوزينا متفرقين

وبلادنا فى امس الحاجة لينا متجميعن

اختار طريقك نفترق ونخدم الاعداء

ولا نتجمع ونخدم بلادنا

بالله عليكم احنا فى قمة الحزن على اللى بيحصل فى مصر ومبقاش لينا نفس ننزل اى مواضيع بالله عليكم ساعدونا وكل واحد يبدا بنفسة وباللى حوالية

والله بنحبكم وبنحب مصر وبنحب كل الوطن العربى مسلمسن وأقباط لازم نتجمع كفاية تفريق لحد كدة ..

أسفين طولنا عليكم بس لازم نفضفض معاكوا بقى :(

إقرأ المزيد... Résuméabuiyad

صوتك أمانة

السلام عليكم ورحمة الله وبركاتة

صوتك أمانة

كلمة نسمعها كثيراً عند إقتراب الإنتخابات
سوف يسأل البعض أنتم بعيدين عن السياسة ، ولكن عندما نأكد عليكم أن صوتكم أمانة قد نظل بعيداً عن السياسة
لأن إدلاء صوتك فى اى انتخابات قد يكون أهم حق لك فى وطنك .

ولا نميز بهذا الموضوع مصريين فقط ولكن هذا الموضوع إلى كل مواطن عربى فى دولته .

تخلص من سلبيتك لان الكثير منا لم يدلى بصوته فى أى وقت فى الإنتخابات فالأن يجب عليك التغلب على تلك السلبية وان تجتهد لكى تعطى صوتك فى الانتخابات.

ونأتى إلى نقطة مهمة أو سؤال مهم يسألة افراد كثيرة وهو :

" أنا عاوز انزل انتخب بس هنتخب مين مش عارف اختار حزب او فرد "

وتكون تلك هى الحجة للبعد عن الانتخابات...

هذا تصرف خاطئ فإبحث فالان وسائل الدعايا كثيرة ولكل حزب موقع او أو اكثر على الانترنت فقط ابحث عن اسم الحزب وإلقى نظرة على ما يقدمة واذهب إلى غيرة وشاهد وتفحص ، حتى تحدد من الذى يستحق صوتك لأن صوتك غالى الان وله قيمة كبيرة..

فى النهاية نحب أن نوجه لكم بعض النصائح

لا تتأثر بأشخاص قريبون منك لانهم يحبون حزباً معيناً فقط اسمع منهم وقرر فى داخلك من يستحق صوتك .

وأيضا لا تحاول أن تؤثر على صديق أو شخص مقرب بإختيار حزب معين لأنك بهذه الطريقة تسلب منه حق مهم فى حياته وهو حق الاختيار ..

نتمنى أن تكون خطوة أولى للتحول إلى الايجابيه وان تكون بدايه لإنسان مصرى يعيش فى وطن غالى وهو مــصر

نسأل الله ان يحمى مصر ويحمى شعبها وأن يحمى كل الدول العربيه وأن نظل على رباط إلى يوم الدين

شارك الموضوع مع اصدقائك على الفيس بوك
Share

إقرأ المزيد... Résuméabuiyad

معاهدة مواطن شريف

..

أعاهد الله أن أحاول وبإذن الله سوف استطيع أن اغير نفسى للأحسن لكى يكون المصرى هو المواطن المثالى فى العالم ..



نعم لاحترام الاخرين



لا للسلبيه



مش هدفع رشوه



مش هرمى قمامه فى الشارع



مش هعاكس أى بنت لان كل البنات إخواتى



هساعد اى محتاج



الشئ اللى فوق طاقتى ومش محتاجه مش هاخده



مش هكسر اشارة



مش هسكت على حد فاسد فى أى مصلحه حكوميه وهبدأ انى أبلغ عنه



حاجات كتير لو عملناها هنكون احسن شعوب العالم



احنا خير جنود الارض بشهاده القرأن



وبإذن الله فى ادينا نكون خير شعوب العالم



هنتناقش من أجل ....



مواطن مصرى



واعى ,مثقف , منتج , عارف عدوه فين ويعرف يحاربه ,مبيسكتش على الغلط



بإذن الله هنتغير
-----------------
الكلام ده كتبناه أول ما انشأنا الصفحة وكنا عاملين الصفحة ونفسنا نحقق الكلام ده فى مصر وفى كل دوله عربيه

إيه رأيكوا فى الكلام ده وهل نقدر ننفذه ولا لا ؟؟

Share

إقرأ المزيد... Résuméabuiyad